《 寵物移民自助懶人包 - 成功例子！ 🐶 🐱 》 | MiExpert | All-in-one Online Imm

首先早一個月或之前直入iso 15碼chip(我去左 愛護動物協會) 雖然官網話iso chip 要同日或之後先打瘋狗症針，但香港本身攞狗牌規定左一定要打瘋狗症針， 所以基本上唔使補打。但最緊要係你個狗牌走個日未過期， 否則漁農處唔會同你加簽。 第二去cx cargo 攞airwaybill no. 叫佢畀文件你填定先，及keep 住每日check 邊日狗仔可以上機 第三check 到有狗機票， 之後立即book自己張機票，再email去cx cargo 連同文件去留位。記得要 催爆佢 第四，Email or 打電話俾英國pbs （London)，你俾airway bill no.佢，之後cx UK 先會confirm 機位,cx Hk 先會確認你嘅機票訂單。 第五，訂淘寶飛機籠 ----------------- 之後係休息時間----- 呢段時間冇嘢要搞 第六，Arrival time 120hrs 前去獸醫做歐盟健康證明。 健康證明要填瘋狗針及殖入iso chip 日期，記得iso chip要填同一日或打 瘋狗症針之前 日子。 張form教唔到大家點填，因為我都係請agent 3200蚊搞惦， 佢帶我去太子一間獸醫度做， 之後同我一齊去漁農處加簽， 第二日同我一齊去攞文件。 第七，上機前四至六個鐘去CX cargo terminal 寄狗仔，俾 健康證明， 磅重及比錢。 建議book車去, 因為都要搞一粒鐘 第八，落機四至六個鐘等PBS 電話，我5:00落機，佢9:30call 我去佢pet reception center 取狗仔，一定要call 定車去，因為terminal 2 去要20分鐘車程， 同個地方好荒蕪。去到講完野，15mins 後取狗。